قبل ماتقرا ياريت تشوف الإعلان العبقري دة عشان تفهم
والعيل الصغير دة هو شعب مصر
اول حاجة طالب بيها الشعب المصري كانت خلع مبارك , المجلس العسكري قال وماله خُدّ وخلعه
تاني طلب كان إقالة حكومة شفيق المجلس قال خُدّ
تالت حاجة محاكمة رموز الفساد امثال صفوت الشريف وزكريا عزمي وفتحي سرور
لدرجة ان جمعة من الجُمع الناس نزلت مخصوص عشان الثلاثي المرح ولك أن تتخيل
ان زكريا عزمي لآخر وقت كان متواجد في القصور الرئاسية وأكيد طبعا مكانش بيلعب صلحّ مع سوزان
شوف الفيديو دة
بس خد بعد إيه بقة
طيب نيجي بقة للطلبات اللي بعد كده
تطبيق قانون الغدر والعزل السياسي لرموز الحزب الوطني اللي خربوا البلد
تطهير المؤسسات الحكومية من الفاسدين
إقالة رؤساء الجامعات (أغلبهم حزب وطني)وأنتخابهم
وضع جدول زمني مُحدد بالتواريخ لتسليم البلاد لسلطة مدنية منتخبة
وضع جدول زمني لتعديل الأجور لتحسين الإنتاج
وضع حد أقصى وحد أدنى للأجور
المجلس العكسري رد على كل الطلبات دي برده بخُدّ , بس خُدّ فيطيرك
وأكتشفنا فجأة اننا جميعاً وبلا فخر كنا واقعين تحت تأثير التنويم التغطاطيسي
وأنتقالنا من حالة الثورة اللي المفروض مستمرة وبتنظف البلد إلى حالة إحتواء الثورة
الخوف بقة دلوقتي من إن المجلس العسكري يتقمص دور الطفل الصغير ويطلب دولة عسكرية
فالشعب يتقمص دور العفريت ويقولة خد
وساعاتها نبقى كلنا لامؤخذة أخدنا ... فوق دماغنا
0 التعليقات:
إرسال تعليق