شوية حاجات: كان لسه فاضل

الثلاثاء، 25 أكتوبر 2011

كان لسه فاضل

كان لسه فاضل قبل الوداع

كام كلمه مقولتهمش

كان لسه فاضل

تقوليلي كام مره كمان

متخافش

لسه فاضل أماكن كتير

مروحنهاش

وبوسه على جبينك

ماخدتهاش

وكلمه مش هسيبك بتهمس منك

عشان تطمني

مسمعتهاش

كان لسه فاضل إيام كتير

متفقين نعيشها

وأتكتب فجأة كده

منعيشهاش

كان لسه فاضل هديه ليوم ميلادك

تخديها وتحضنيني

وفرحه تشوفها عيني

زيها ماشوفتهاش

كان لسه فاضل

أشوف بنتي منك

وأسميها علي اسمك

واحبها اد ما بحبك

كان لسه فاضل

سنين جوا حضني تعيشيها

معيتيهاش

كان لسه فاضل حاجات كتير

أوي ياحبيتي

قبل الوداع معملنهاش

0 التعليقات:

إرسال تعليق

شوية جٌمل

يمكنك إقتباس ماتشاء ولكن أرجو الإشارة إلى المدونة أو صاحبها

* البنات زي الفاكهة كل واحدة فيهم نوع وشكل وطعم , إلا حبيبتك هي الوحيدة اللي بتشوفها كوكتيل.

* الأرض كروية "بيضاوية" ودة بيفسر البيض اللي بنعيش فيه !

* إي حاجه بتشوفها بتبقى "كل جاحه" وأول ماتملكها بتبقى "ولا حاجة".

* أنت بتُصبرّ عشان عايش .. لأنك عايش عشان تُصبرّ.

* أنت أصلاً لو فكرّت هتلاقي أكتر حد بتظلمه معاك هوّ أنت !

* أنا كوّن لوحده جوا الكوّن.

* وراء كل رجل سعيد , إمرأة سمحتله يبقى سعيد.

* في مصر هناك مُحلل عسكري ومُحلل رياضي ومُحلل فني ومُحلل إستراتيجي ويبقى أهمهم وأكثرهم فائدة هو مٌحلل البول.

* هناك من لا يريد أن يرى الحقيقة , يريد فقط أن يرى مايراه هو حقيقة

* كن حراً حتى ولو كان ذلك في أعماق نفسك.

* لا تدع حكمك الاول على الشئ هو الاخير.

* عيناك كثيراً ماتكذب .. فهي لا تخبرك الحقيقة .. تخبرك فقط ماتريد أن تراه حقيقياً.